ABŞ Prezidenti Donald Tramp Amerika aviaşirkətlərinə Livana uçuşları bərpa etməyi əmr edib.
"Unikal" xəbər verir ki, o bu barədə sosial media səhifəsi olan "TruthSocial"da yazıb.
“Ölkəsini dəyişdirən əla iş görən Livan prezidenti Cozef Aunla görüşdükdən sonra administrasiyama bütün Amerika aviaşirkətlərinin Livana birbaşa uçuşlar həyata keçirməsinə icazə verməyi tapşırıram ki, amerikalılar bu gözəl ölkəni asanlıqla ziyarət edə bilsinlər”, - deyə paylaşımda bildirilir.
Ağ Ev rəhbəri, həmçinin, ümid etdiyini bildirib ki, digər ölkələr də Vaşinqtonun nümunəsini izləyəcəklər.
