Ermənistan mətbuatı girovlarla bağlı dezinformasiya yaydı

Ötən gün Kəlbəcər girovlarının növbəti məhkəmə prosesi keçirilib. Ermənistan mətbuatının iddiasına görə, proses zamanı Şahbaz Quliyev Kəlbəcərə hər hansı zərər törətmək məqsədilə gəlmədiyini deyib. Dilqəm Əsgərov isə guya, Şahbaz Quliyevin müəyyən tapşırıqlarla Kəlbəcərə göndərildiyini deyib.
Erməni mediası bildirib ki, Dilqəm Əsgərovun iddialarına görə, onlar Kəlbəcəri binoklla müşahidə edərək boş ferma görüblər. "Bu arada onlar xeyli geyim aşkarlayıblar. Paltarların birindən isə pasport, hərbi bilet və bir az pul tapıblar. Yolda onlar bir qadınla rastlaşsalar da, erməni dilini bilmədikləri üçün ərazidən uzaqlaşıblar"-deyə dezinformasiyada bildirilir.
Xatırladaq ki, azərbaycanlı girovlarların məhkəmə prosesi ilə bağlı yayılan məlumatlar Ermənistan mətbuatı tərəfindən verlir və bu məlumatların obyektivliyi şübhə altındadır.