Mərhum xalq artisti İlhamə Quliyevanın köməkçisi Mehriban Hüseynovanı həbs etdirməsi barədə xəbər vermişdik. Uzun müddət bu məsələ mətbuatda müzakirə mövzusu oldu. Onun təqsirsiz olması məsələsi də gündəmə gətirildi.

Bir müddət əvvəl millət vəkili və hüquq müdafiəçisi Çingiz Qənizadə Mehriban Hüseynovanın yaxınlarının ona ünvanladığı müraciət əsasında hüquq-mühafizə orqanlarından məsələnin obyektiv araşdırılması xahişi ilə məktub göndərdiyini qeyd etmişdi.
Bildergebnis für çingiz qənizadəÇ.Qənizadə Unikal.org-a açıqlamasında bildirib ki, Mehriban Hüseynova ilə bağlı ünvanladığı müraciətə cavab verilib. Onun sözlərinə görə, cavab məktubunda istintaqın artıq yekunlaşmaq üzrə olduğu və sübutlara məhkəmədə qiymət veriləcəyi vurğulanıb: "İlhamə Quliyeva hər zaman qalmaqallı insan olub. Prokurorluqdan Mehriban Hüseynova barəsində seçilən həbs-qətiimkan tədbirinin dəyişdirilməsini xahiş etmişdim. Məktub gəldi ki, istintaq yekunlaşmaq üzrədir və məhkəmədə sübutlara qiymət veriləcək. Hazırda istintaq gedir və orada bəzi şahidlər əsas məqamları qeyd ediblər. Vurğulanır ki, İlhamə Quliyeva şahidlərin birini təhqir edib, ona hədə-qorxu gəlib. Sosial şəbəkələrdə məlum videogörüntülər yayıldı. Bunlar hamısı qanunusz hərəkətlərdir. Görüntülərə əsasən deyə bilərik ki, həmin xanıma qarşı ciddi təhdidlər və hədə-qorxular olub.

Hüquq müdafiəçisi diqqətə çatdırıb ki, Mehriban Hüseynovanın əleyhinə ifadə verən adamların şəxsiyyətlərinin qaranlıq olması məhkəmə istintaqının obyektiv qərar qəbul etməsinə şərait yaradacaq:
"Hüseynovanı bu oyuna salmaq üçün təşəbbüs göstərən insanlardan biri artıq həbsdədir. O dələduzluq maddəsi ilə məsuliyyətə cəlb olunub. Ümid edirəm ki, Mehriban Hüseynovanın əleyhinə ifadə verən adamların özünün şəxsiyyətinin qaranlıq olması da məhkəmə istintaqının obyektiv qərar qəbul etməsinə şərait yaradacaq. Mən çox istəyirəm ki, bu məsələ qapansın və həmin qadın azadlığa buraxılsın. Eyni zamanda məlum olur ki, Mehriban Hüsynova da ona qarşı çox diqqətli olub, onun yaralarını yuyub, köməklik göstərib. Hansısa hərəkətə görə bu xanımı qəsdən bu oyuna salıblar. İnanıram ki, burada müəyyən məqsədlər olub. İlhamənin başının üstündən bəzi adamlar onu zərərsizləşdirmək istəyiblər.

Qeyd edək ki, Mehriban Hüseynova 2015-ci ilin oktyabr ayının 20-də İlhamə Quliyevanın şikayəti əsasında saxlanılıb.

Həsən Babayev