Azərbaycan Respublikası Əmək və Əhalinin Sosial Müdafiəsi Nazirliyi  əlilliyi olan şəxslərə və sağlamlıq imkanları məhdud uşaqlara sosial sifarişlər əsasında ixtisaslaşmış vətəndaş cəmiyyətləri tərəfindən cari ildə sosial və reabilitasiya yonumlu xidmətlərin gostərilməsi ucun konkret fəaliyyət istiqamətləri müəyyən edilib. 
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən unikal.org-a verilən məlumata görə, bu istiqamətlərdən biri kimi, ölkənin ayrı-ayrı rayonlarında uşaqların dövlət uşaq müəssisələrinə düşməsinin qarşısının alınması və çətin həyat şəraitində olan uşaqların, ailələrin sosial xidmətlərə çıxışının təmin edilməsi məqsədi ilə günərzi xidmətlərin göstərilməsi nəzərdə tutulur. Fəaliyyət istiqamətləri sırasına 7 yaşadək uşaqlar arasında əlilliyin qarşısının alınması və sağlamlıq imkanları məhdud uşaqların Portec metodikası ilə sosial reabilitasiyası, bu təbəqədən olan uşaqlar və əlilliyi olan şəxslər arasında idman tədbirlərinin keçirilməsi, onların beynəlxalq yarışlarda iştirakına şərait yaradılması da daxildir.  
Görmə imkanları məhdud olan uşaqlara xususi proqramlar vasitəsilə idman, incəsənət və xalq sənəti növlərinin öyrənilməsinə yardım göstərilməsi, eşitmə və nitq qabiliyyəti olmayan sağlamlıq imkanları məhdud uşaqların surdoloji xidmətlərlə təmin olunması da nəzərdə tutulur. Sosial təhlükəli vəziyyətdə olan kimsəsiz uşaqların sosial reabilitasiyası, əlilliyi olan şəxslərə və sağlamlıq imkanları məhdud uşaqlara diqqət və qayğının artırılması məqsədi ilə təbliğat işinin gucləndirilməsi və s. də fəaliyyət istiqamətlərinə daxildir.
2015-ci ildə nazirliyin sosial sifarişlər əsasında ixtisaslaşmış QHT-lər tərəfindən umumilikdə 1500 nəfərdən cox sağlamlıq imkanları məhdud və ya çətin həyat şəraitində olan uşaq, eləcə də muvafiq hallarda onların ailələri sosial və reabilitasiya yonumlu xidmətlərlə təmin olunub.