Hindistanda bir şəxs 14 ailə üzvünü qətlə yetirib.

Unikal.org Azərtac-a istinadla xəbər verir ki, 35 yaşlı Hansil Varekar gecə 02.00 radələrində həyat yoldaşını, 8 uşağını, 3 bacısını və valideynlərini yatdığı yerdə bıçaqla öldürüb. Bundan sonra o özünü asaraq intihar edib.

Hadisənin təfərrüatları barədə polisə Varekarın sağ qalmış bacısı məlumat verib. Onun qışqırıqlarını qonşu eşidib və evə daxil olmağa çalışıb, lakin qapı içəridən bağlı olub. O, birinci mərtəbədə pəncərəni sındıraraq evə girib və bıçaq yaraları olan qızı evdən çıxarıb.

Varekar Txan şəhərində bayram tədbirlərinin təşkil olunması işi ilə məşğul idi, onun ailəsi ərazidə tanınmış ailə olub. Həmin gecə Varexar ailəsində şənlik olduğu üçün qohumların əksəriyyəti onlarda qalmalı olub. Cinayətin motivləri hələ ki məlum deyil.