"Nazirlər Kabinetinin 1998-ci il 21 may 114 saylı qərarı istehlakçı hüquqlarının pozulmasına yönəlib

eyyub hüseynov ile ilgili görsel sonucuBu fikirləri Unikal.org-a Azad İstehlakçılar Birliyinin sədri Eyyub Hüseynov deyib. Onun sözlərinə görə, dəfələrlə bu barədə Nazirlər Kabinetinə təhlillər verib: "İstehlakçı hüquqlarının müdafiəsi haqqındaAzərbaycan Respublikasının qanunu 1991-ci ildə qəbul edildikdən sonra ardıcıl olaraq istehlakçıların hüquqlarının pozulmasına yönəlik qərarlar qəbul edilib. Qanuna 7 dəfə dəyişiklik olunub, hamısında da istehlakçı hüquqları arxa planda qalıb. Nazirlər Kabinetinin Azərbaycan Respublikası ərazisindəki pərakəndə ticarət obyektlərində dəyişdirilməli olmayan malların siyahısı haqqında 21 may 1998-ci il 114 saylı qərarında da istehlakçı hüquqlarını pozan amillər var. Qızıl və qızıl məmulatları da bu siyahıya daxildir. Yəni, mağazadan qızıl alan zaman saxta olduğu aşkarlanarsa, nə dəyişə, nə də qaytara bilərsən. Bizə müraciət edən bir xanım 3 ildir mübarizə aparır ki, ona satılan saxta qızılları geri qaytarsın. Bu çox anormal bir haldır.

Ekspert bildirib ki, bu qərarla bağlı dəfələrlə çıxışları olub: "Bu qərar istehlakçı hüquqlarının pozulmasına xidmət edir. Nazirlər Kabinetinə bununla bağlı dəfələrlə təhlillər vermişik.

Unikal.org Nazirlər Kabinetinin 1998-ci il 21 may 114 saylı qərarına əsasən dəyişdirilməyən və geri qaytarılmayan məmulatların siyahısını təqdim edir:

1. Qızıl və qızıl məlumatları

2. Qiymətli və yarımqiymətli metallardan, daşlardan hazırlanmış məmulatlar

3. İstehsal qüsurları istisna olmaqla bütün növ parçalar və ölçü ilə satılan bəzi mallar (lentlər, tesmalar, haşiyələr)

4. Parfümer-kosmetika malları

5. Kişi, qadın və uşaq çimərlik paltarları

6. Bağça yaşlı və yeni doğulan uşaqlar üçün alt paltarları

7. Məişət-kimyası malları.

8. Şəxsi gigiyena əşyaları (diş firçaları, daraqlar, biqudilər və s.)

9. Uşaq oyuncaqları

10. İstehsal qüsurları istisna olmaqla istifadədə olmuş, üzərində yarlıklar olmayan kişi, qadın və uşaq corabları, alt paltarları.

11. Ərzaq üçün plastmasdan hazırlanmış məlumatlar

12. Dəyəri ödənilmiş və mağazadan çıxarılmış (yararlılıq müdəti ərzində) ərzaq malları.