Türkiyənin  MKE  Silah Zavodunun  müdiri Mustafa Tanrıverdi, dövlət sirlərini satmaqda ittiham olunaraq həbs olunub.
 
Unikal.org Avropa.info-ya istinadən xəbər verir ki, Mustafa Tanrıverdi  Türkiyənin silah istehsalı layihələrini  amerikalılara satmaq istəyərkən  saxlanılıb.

Həbs olunan Tanrıverdi haqqında  Ankara prokurorluğu istintaq başlayaraq, cinayət təqibinin aparılması  Ankara polisinin  Mütəşəkkil Cinayətkarlıqla Mübarizə Şöbəsinə  göndərib.
 
Məlumatlara görə,  zavod direktoru Mustafa Tanrıverdi pul qarşılığında 2 silaha aid rəsm və istehsal planlarını ABŞ-lı bir silah zavoduna satacağı məlumatı  alan hüquq mühafizə orqanları onu təqib edib.
 
Məhkəmə qərarı ilə onun iş otağı  və evi  24 saat  müddətində təqib edilib.  Tanrıverdinin amerikalılarla görüşəcəyi restorana dinləmə və video kameralar yerləşdirilib. Xüsusi xidmət orqanları Tanrıverdini hadisə yerindəcə həbs ediblər. 

Tanrıverdinin Türkiyəyə aid MP-5 silahının istehsal sirrini və Milli piyada tüfəngi MPT-76-nın istehsal planlarını satmaq istədiyi üzə çıxıb.