Sloveniyada təlim-məşq toplanışında olan qadın voleybolçulardan ibarət Azərbaycan millisi ilk yoxlama matçını keçirib.
Unikal.org apasport.az-a istinadən xəbər verir ki, Faiq Qarayevin yetirmələri yerli yığma ilə üz-üzə gəliblər.
Görüş heç-heçə başa çatıb. İlk 2 seti Sloveniya millisi qazansa da, növbəti 2 hissədə yığmamız üstün olub - 2:2 (23:25, 26:28, 25:20, 25:13).
Matçdan sonra açıqlama verən millimizin hücumçusu Yana Kulan bildirib ki, görüş heç də asan alınmayıb: "Sloveniyanın çox yaxşı komandası var, çox güclüdülər. Bizim üçün çətin bir sınaq oldu. Artıq növbəti matçları fikirləşirik".
