Türkiyədəki qocalar evlərindən birində qətl törədilib.
 
Unikal.org-un Lent.az-a istinadən məlumatına görə, Kastamonunun Tosya rayonundakı qocalar evində bu gün səhər saatlarında 80 yaşlı Sabri Beşli ilə 71 yaşlı İsmayıl Gökmən arasında insident baş verib. Səhər yeməyindən sonra ahıllar arasında televizor kanalını dəyişdirməklə bağlı narazılıq yaranıb. Narazılıq daha sonra dava-dalaşa çevrilib. Lakin təhlükəsizlik əməkdaşları onları ayıraraq öz otaqlarına yerləşdiriblər. Lakin 80 yaşlı S.Beşlinin hirsi soyumayıb və bıçaq götürərək İ.Gökmənin otağına gəlib. İ.Gökmən qapını açan kimi 80 yaşlı kişi bıçaqla ona hücum edib və bıçaqla yoldaşının boğazını kəsib.
 
İ.Gökmən xəstəxanaya aparılsa da, artıq gec olub. S.Beşli polis tərəfindən saxlanılıb.