Avropa İttifaqı Ermənistanın iqtisadi dayanıqlığının gücləndirilməsi məqsədilə ölkəyə 34 milyon avro həcmində maliyyə yardımı ayırıb.
"Unikal" xəbər verir ki, vəsait Rusiyanın tətbiq etdiyi ticarət məhdudiyyətlərinin Ermənistanın özəl sektoruna təsirlərinin azaldılmasına yönəldiləcək. Bu yardım Avropa Komissiyasının Prezidenti Ursula fon der Lyayenin daha əvvəl elan etdiyi dəstək paketinin ilk hissəsidir.
Qeyd olunur ki, maliyyə paketi təkcə birbaşa dəstəyi deyil, həm də ticarətin asanlaşdırılması və Ermənistan iqtisadiyyatının davamlılığının artırılmasına yönəlmiş əlavə tədbirləri əhatə edir.
