İŞİD terror təşkilatını dəstəkləyən hakerlər ABŞ Dövlət Departamenti əməkdaşlarının şəxsi məlumatlarını – ad-soyadlarını, telefon nömrələrini və digər koordinatlarını - ələ keçirdiklərini bildiriblər.

Unikal.org xəbər verir ki, bu barədə "Fox News" telekanalı məlumat verib.

Mənbənin bildirdiyinə görə, hakerlər qrupu oğurluq faktını sübut edən skrinşotlar yayımlayıb. Öz bəyanatlarında hakerlər ABŞ-ı "darmadağın edəcəklərini" yazıblar.

Dövlət Departamenti hələlik bununla bağlı şərh verməyib.

Ötən həftə hakerlər Səudiyyə Ərəbistanının təhlükəsizlik xidmətinin 18 min əməkdaşının şəxsi məlumatlarını ələ keçirdiklərini bildirmişdilər.