Mərkəzi Seçki Komissiyasının (MSK) bu gün keçirilən iclasında Ramazan Ələkbər oğlu Bəkirovun namizədliyinin irəli sürülməsinin təsdiq olunması məsələsinə baxılıb.

"Unikal.org-un xəbərinə görə, iddiaçı ilə bağlı MSK Katibi Arifə Muxtarova məlumat verib. O, R.Bəkirovla bağlı məlumatları diqqətə çatdırıb. A.Muxtarova deyib ki, R.Bəkirovun namizədliyinin irəli sürülməsinin təsdiq olunması üçün əsaslar var.

Məsələ səsverməyə çıxarılaraq qəbul edilib. Bununla da namizədliklərinin irəli sürülməsi təsdiqlənən şəxslərin sayı 13-ə çatıb.

Həmçinin MSK sədri Məzahir Pənahov bildirilib ki, seçkilərini izləmək üçün 24 müşahidəçi Mərkəzi Seçki Komissiyasında (MSK) qeydiyyatdan keçib.

Onun sözlərinə görə, bu şəxslərlə bağlı MSK-nın qərarı müsbət olub.

Qeyd edək ki, Azərbaycanda prezident seçkiləri aprelin 11-nə təyin edilib.