Şəkidə şəhidlərin ölümündən sonra təltif edildiyi medallar ailələrinə  təqdim olunub.
 
 
Unikal.org-un ANS TV-ə istinadən məlumatına görə, aprel ayının  əvvəllərində eyni gündə Ermənistan və Azərbaycan qoşunlarının təmas xəttində  gedən döyüşlərdə şəhid olan Vüqar Süleymanov və Orxan Hümmətovun hərbi xidmətdə  fərqləndiyinə görə medalları ailələrinə təqdim olunub.

Ailələrə medalların təqdim olunması Şəkidə hər iki şəhidin  40 mərasimi zamanı baş tutub.
Şəhidlərin ailə üzvləri Vuqar kimi qəhrəman oğullarımızla qürurlandıqlarını  bildirdilər.

Şəhid Orxan Hümmətovun anası isə oğlunun  bir arzusunu həyata keçirmək üçün Allahdan ömür payı istəyir. Oğlu bir neçə ay əvvəl  məzuniyyətə  gələrkən  öz hərbi çəkmələrini anasına verib, onların üzərində Qarabağ torpağı olduğunu söyləyib və  həmin çəkmələri  saxlamağı, yalnız torpaqlarımız azad olunandan sonra  çəkmələri yumağı xahiş edib.

Uzun müddətdir  aviasiyada xidmət edən şəhidin qardaşı Vüsal Hümmətov  qardaş itgisinə görə təəsüflənsə də, onun şəhidlik zirvəsinə ucaldığı üçün qürur duyduğunu da bölüşdü.