Goranboy rayonunda itkin düşmüş qadın və iki övladı Gəncədə tapılıb.

Unikal.org "Report"a istinadən xəbər verir ki, 1992-ci il təvəllüdlü Goranboy rayonun Safikürd kənd sakini Məmmədova Bəsti Kazım qızı 5 gün öncə qızları - 6 yaşlı Laman və 4 yaşlı Dəniz Məmmədzadələr ilə birgə yaşadığı evdən çıxaraq naməlum istiqamətdə gedib.

Yaxınları tərəfindən axtarışa verilən ana və qızları hazırda Gəncə şəhər Kəpəz rayonu ərazisində tapılıb. İlkin məlumatlara görə, Dədə Qorqud küçəsində tapılan hər üç şəxs polis idarəsinə aparılıb və oradan ailəsinə təhvil verilib.