Bir müddət öncə "Gelandewagen" avtomobili ilə Moskvada dostları ilə birgə avtoşluq edən və 15 sutkalıq inzibati həbs alan Ruslan Şamsuarov azadlığa çıxıb.
Unikal.org-un "Qafqazinfo"ya istinadən verdiyi məlumata görə, 20 yaşlı oğlan Mnyovniki təcridxanasından sərbəst buraxılıb.
Qeyd edək ki, Ruslan Şamsuarovla dostları avtoşluq edərkən onları saxlamağa çalışan polisləri ələ salıblar. Gənclər hətta polisdən qaçışı videoya da çəkiblər.
R. Şamsuarov "Lukoyl"un prezidenti, azərbaycanlı milyarder Vahid Ələkbərovun müavini Azat Şamsuarovun oğludur.