İstanbul Atatürk hava limanında törədilən terror hadisəsi zamanı həlak olanların adları məlum olub.

Hadisə zamanı həyatını itirənlərdən biri də Yusif Xəzinədaroğlu adlı gəncdir. 

Onun 10 gündən sonra toy mərasiminin keçiriləcəyi planlaşdırılıbmış. Mərhum Xəzinədaroğlunun qohumlarının sözlərinə görə, o, xəstəxanada dünyasını dəyişib:

"Yusif hava limanında işləyirdi. Həmin gün işi bitib, evə qayıtmaq istəyirmiş. Birdən partlayış baş verib. Ağır vəziyyətdə onu xəstəxanaya aparıblar. Biz xəstəxaya gələndə o, dünyasını dəyişmişdi. 10 gündən sonra qızımla Yusifin toyu olacaqdı. Toya hazırlaşırdıq. Hazırda onun meyitini Məkhəmə Tibbi Ekspertizaya aparıblar".

Qeyd edək ki, ötən gün üç terrorçu-kamikadzenin hava limanına hücumu nəticəsində 36 nəfər ölüb, 147 nəfər yaralanıb. (AzVision.az)