Ekologiya və Təbii Sərvətlər Nazirliyinin Milli Hidrometeorologiya Departamenti dekabrın 22-də müşahidə olunacaq hava proqnozunu açıqlayıb.

Departamentdən Unikal.org-a verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.

Bəzi yerlərdə duman, çiskinli olacağı ehtimalı var. Cənub küləyi əsəcək.

Havanın temperaturu  gecə 4-7° isti, gündüz  9-11° isti, Bakıda gecə 4-6°, gündüz  9-11° isti olacaq. Atmosfer  təzyiqi norma daxilində  764 mm  civə sütunu təşkil edəcək. 

Nisbi rütubət 70-80 % olacaq.   

Azərbaycanın rayonlarında əsasən yağmursuz, bəzi yerlərdə duman, şərq rayonlarında çiskinli olacaq, qərb küləyi əsəcək.

Havanın temperaturu gecə 3-8° isti, gündüz  9-14°  isti, dağlarda gecə 2° şaxtadan 3°-dək isti, gündüz 6-11° isti olacaq.

Xatırladaq ki, sabah Azərbaycana qış fəsli daxil olacaq. Qış fəsli ölkəyə dekabrın 22-si Bakı vaxtı ilə saat 08:19-da qədəm qoyacaq.