“Azərbaycan Respublikası Baş prokurorunun vəzifəyə təyin edilməsinə razılıq verilməsi haqqında” məsələ Milli Məclisin mayın 1-də keçiriləcək iclasının gündəliyinə əlavə edilib.

Milli Məclisin mətbuat xidmətindən Unikal.org-a bildiriblər ki, Azərbaycan Respublikası Prezidenti İlham Əliyevin təqdimatına əsasən Baş prokuror vəzifəsinə Baş prokurorun müavini - Baş prokuror yanında Korrupsiyaya qarşı Mübarizə İdarəsinin rəisi Kamran Əliyevin namizədliyi irəli sürülüb.

Parlamentin plenar iclasının gündəliyinə ümumilikdə 27 məsələ daxildir. İclasda Hesablama Palatasının illik hesabatı da dinləniləcək.