Azərbaycanda koronavirusa yoluxma şübhəsi ilə test verməyən şəxsə evdə təcrid olunmasının mütləqliyi ilə bağlı SMS göndərilib.
Unikal.org xəbər verir ki, bununla bağlı Fəxri Ağayev adlı şəxs sosial şəbəkəsində paylaşım edib.
Həmin şəxs Nazirlər Kabineti yanında Operativ Qərargahdan nömrəsinə mesaj gəldiyini bildirib.
Fəxri Ağayev qeyd edib ki, SMS-in daxil olduğu 184 nömrəsinə zəng etdikdə o, ərazi üzrə poliklinikaya yönəldilib. Tibb ocağından isə ona adının koronavirus xəstələrinin siyahısında olmadığı bildirilib.
“Səhv olduğunu anladım. İndi təsəvvür edin ki, mən deyiləm, 65 yaşlı test verən insandır və həmin an infarkt olsa, insult keçirsə...”- deyə paylaşımda qeyd olunub.
