Kəmaləddin Heydərov "İlin adamı" seçildi
İstanbulun Haliç Universitetinin mərkəzi zalında keçirilən tədbirdə bir çox tanınmış idman adamları iştirak edib
Azərbaycan Boks və Taekvondo Federasiyalarının prezidenti Kəmaləddin Heydərov Avropada "İlin idman adamı" mükafatına layiq görülüb.
"Spor Türkiye Yönetim Kurulu" tərəfindən seçilən mükafatlar sahiblərinə təqdim olunub.
İstanbulun Haliç Universitetinin mərkəzi zalında keçiriləcək tədbirdə bir çox tanınmış idman adamları - "Real" (Madrid) klubunun idman direktoru Emil Butragenyo, Avropa Olimpiya Komitəsinin prezidenti Patrik Hikey, "Qalatasaray" klubunun prezidenti Ünal Aysal, "Bursaspor" klubunun baş məşqçisi Ərtoğrul Sağlam, "Qalatasaray" klubunun baş məşqçisi Fatih Terim, "Beşiktaş" klubunun futbolçusu Manuel Fernandes, Türkiyə millisinin baş məşqçisi Abdulla Avcı, "Qalatasaray" klubunun futbolçusu Burak Yılmaz, Avropa Klublar Birliyinin prezidenti Karl Haynts Rumenigge, türk futbolunun canlı əfsanələri Rıdvan Dilmən, Sərgən Yalçın, Hakan Şükür, Türkiyə Atletika Federasiyasının prezidenti Mehmet Terzi, futbol hakimi Fırat Aydınus, əfsanəvi futbolçular - ingilis Dalian Atkinson və alman Falko Goetz, eləcədə olimpiya çempionları və idman jurnalistləri iştirak edib.
Tədbir Türkiyənin Lig TV, TRT və NTV SPOR kanalları ilə yayımlanacaq. İtaliya, İngiltərə, İsveçrə, Hollandiya, Portuqaliya, Almaniya və Azərbaycan kanalları da İstanbuldakı tədbirdən reportajlar hazırlayıb.
İnformasiya şöbəsi
.png)
