Avstraliya əsgərlərinin Əfqanıstanda törətdikləri müharibə cinayətlərinə dair hesabatın yayımlanmasından sonra son üç həftə ərzində 9 avstraliyalı əsgər intihar edib.

Unikal.org xarici KİV-ə istinadən xəbər verir ki, bu barədə hesabatı Avstraliya Silahlı Qüvvələrinin komandiri Anqus Kempbell yayımlayıb.

Sənəddə Avstraliya xüsusi təyinatlıları tərəfindən 2005-2016-cı illərdə Əfqanıstanda törədilmiş 39 qətlin dəlilləri yer alıb. Qurbanların arasında həm yerli əsgərlər, həm də mülki şəxslər var.

Hesabatdakı məlumatların 400-dən çox şahidin ifadələrinə əsaslandığı bildirilir. Bundan əlavə, mütəxəssislər göstərilən müddət ərzində 20 mindən çox sənədi və 25 mindən çox fotoşəkili araşdırıblar.

Təqdim olunan hesabatda komandir Əfqanıstandakı qurbanların ailələrinə təzminat ödənməli olduğunu bildirib. Ümumilikdə, o, 36 qətl hadisəsi və əsassız vəhşiliklər barədə əlavə cinayət istintaqının aparılmasını tövsiyə edib.