Arif Mərdanovdan narazılıq var

“Bakı Əyrici Toxucu” ASC-də baş verən müəmmalı proseslərlə bağlı redaksiyamıza informasiyalar daxil olmaqdadır. Həmin informasiyalarda bildirilir ki, adıçəkilən müəssisəyə Arif Mərdanovun təyin olunmasından sonra narazılıqlar pik həddə çatıb. Bunlar isə heç də səbəbsiz deyil və onun müəssisədə həyata keçirdiyi xəttlə bağlıdır.
Bununla bağlı “Unikal”ı məlumatlandıran mənbə iddia edir ki, Arif Mərdanov rəhbər təyin olunandan sonra müəssisənin bir hissəsinin özəlləşdirilməsi ilə bağlı çox qaranlıq əməliyyatlar həyata keçirilib. Bundan əlavə onun “Bakı Əyrici Toxucu” ASC-yə gəlişindən sonra kollektivdə də böyük narazılıqlar başlayıb və bu əsasən köhnə işçilərin müxtəlif bəhanələrlə ixtisara salınmasıyla bağlıdır. Müəssisədə böyük qruplaşmaların mövcudluğundan bəhs edən mənbəmizin iddiasına görə bu səbəbdən də müəssisədə anormal bir iş mühiti yaranmışdır.
Fuad