Gürcüstanda böyük meşə yanğınları meydana gəlib.

Unikal.org Gürcüstan KİV-ə istinadən xəbər verir ki, yanğınlar olduqca əhəmiyyətli miqyasda geniş meşə zolağı ərazilərini əhatə edib.

Qonşu ölkənin Sameqrelo, İmereti, Acara, Raça Leçxumi-Kvemo Svaneti və Şida Kartli vilayətlərində hektarlarla meşə sahəsi yanaraq külə çevrilib. Hazırda yerdə qalan meşə zolağının xilas edilməsi və yanğının söndürülməsi istiqamətində işlər davam etdirilir. Yanğını tam ram etmək hələ mümkün olmayıb.

Qeyd edək ki, meşə yanğınları Gürcüstanın nəzarət edə bilmədiyi separatçı qurum olan tanınmamış "Abxaziya Respublikası" ərazilərində də müşahidə olunub. Meşə yanğınlarının dəqiq səbəbləri məlum deyil.