"Paşinyan hakimiyyəti ermənilər üçün yox, türklər üçün işləyir".
Unikal.org Ermənistan KİV-ə istinadən xəbər verir ki, bu fikirləri "Hayastan" fondunun keçmiş sədri, Ermənistanda tanınmış ictimai xadim Ara Vardanyan səsləndirib. Vardanyan baş nazir Nikol Paşinyan və komandasını sərt şəkildə tənqid edib.
"Paşinyan hakimiyyəti ermənilər üçün yox, türklər üçün işləyir. Müharibədən müəyyən bir müddət keçib. Düşünmək lazımdır ki, Azərbaycan və Türkiyə bizim düşmənimizdirmi? Geniş xalq kütləsi üçün bu cavab "bəli"dir. Amma təəsüf ki, hakimiyyət ermənilərə deyil, türk xalqına xidmət edir. Gələcək nəsillərə cavab verməli olacağıq", - deyə Vardanyan bəyan edib.
