Dünyanın ən zəngin idmançısı hesab edilən boksçu Floyd Mayvezer yeni sevgilisinin atası ilə qalmaqal yaşayıb.
Unikal.org xəbər verir ki, ABŞ-ın Las Vegas əyalətindəki bir gecə klubunda striptizçi olan Anna Monroe ilə eşq macərası yaşamağa başlayan 43 yaşlı əfsanəvi boksçu Floyd Mayvezer, gənc qadının ailəsinin vetosu ilə üzləşib.
Belə ki, Anna Monroe ailəsi öncə Mayvezeri kürəkən olaraq qəbul etməyib. Səbəbi boksçunun keçmiş sevgililərini döyməsi olub. Bu barədə ailənin yaxınları mətbuata açıqlama verib.
Məlumata görə, ailə bu münasibətə razı deyil və qızları Mayvezerin pulu və söhrətinə görə onunla birlikdədir.
Ancaq gənc qadın bu deyilənlərlə razılaşmır, ailəsinin qadağasına rəğmən boksçu ilə münasibətlərini davam etdirir.
Bildirilir ki, Monroenin atası qızına "Floyd bir müddət sonra səndən bezəcək və digər sevgililərinə etdiyi kimi sənə şiddət göstərəcək. Münasibətlərinizi dərhal sonlandırın" deyib. Lakin Anna Monroe atasına məhəl qoymadan və Floydun keçmişinə baxmadan münasibətlərinə davam etməyə qərar verib.
Xatırladaq ki, 43 yaşlı əfsanəvi boksçu əvvəllər Josie adlı sevgilisinə şiddət tətbiq etmiş və 2 ay həbs cəzasına məhkum edilmişdi.
.jpg)
