Müxalifət Ermənistan baş naziri Nikol Paşinyanın təklifini rədd edib.

Unikal.org Ermənistan KİV-ə istinadən xəbər verir ki, birləşmiş müxalifətin baş nazirliyə vahid namizədi Vazgen Manukyan Paşinyana cavab verib.

"Biz Nikol Paşinyanı satqın hesab edirik. Paşinyan hakimiyyətdən getməyənə qədər onunla heç nə müzakirə etməyəcəyik. Seçkilərlə bağlı konsultasiya da aparmayacağıq", - deyə Manukyan əlavə edib.

Manukyan tərəfdarlarına parlament qarşısında barrikadalar qurmağı təklif edib. Ermənistan müxalifəti əsas yolları bağlayıb, hökumət binası qarşısında aksiya keçirir və Paşinyanın tərəfdarlarının yürüşünə paralel küçədə yürüş təşkil edib.

Qeyd edək ki, Nikol Paşinyan bu gün tərəfdarları qarşısındakı çıxışında müxalifəti qarşılıqlı olaraq aksiyaları dayandırmağa və erkən parlament seçkiləri ilə bağlı müzakirələrə başlamağa çağırmışdı.