Müğənni Afət Fərmanqızı 5 il başqa adla yaşadığını etiraf edib.

Unikal.org  xəbər verir ki, sənətçi bu haqda “Onun sirri” verilişində danışıb. O bildirib ki, buna səbəb qurduğu biznes olub:

“5 il saxta adla yaşadım. 2011-ci ildə sənətdən uzaqlaşdım. Bir müğəninin mahnısı tutmursa... Nə qədər Eyyub Yaqubovun, Ağadadaş Ağayevin və ya digərlərinin yanında cüzi qonorara toya getmək olar? Anam da dünyasını dəyişəndən sonra, bacım da ailə qurdu və oğluma baxan olmadı. Ona yaxşı təhsil verməli idim. O vaxta qədər getdiyim toylardan pul yığmışdım. Bacımın toyunu qohumlar etdi, qalan gəlir də mənə qaldı. Başladım biznesə. Daşınmaz əmlakla məşğul oldum. Ev alıb, bir müddət sonra baha satırdım. Adımı dəyişib Vəfa etdim, yeni nömrə aldım. İnsanların əksəriyyəti məni tanıyırdı. İşim uğurlu alındı. Yaxşı qazanırdım, amma sonra gördüm yeni qərarlar çıxdı. Artıq yaxşı pul qalmırdı”.