Bu gündən İranda koronavirus əleyhinə “CovIranBarakat” vaksininin kütləvi şəkildə istehsalına başlanılıb.

Unikal.org-un məlumatına görə, “CovIranBarakat” vaksini planının icraçı müdiri Rza Məzhəri deyib ki, 21 mayadək bu vaksinin istehsalı ayda 20 milyon dozaya yüksələcək.

R.Məzhərinin sözlərinə görə, kütləvi istehsalla əlaqədar iki istehsal xətti nəzərdə tutulub. 1-ci istehsal xəttində istehsal başlanıb və 2-ci istehsal xəttinin də istehsala başlamasına hazırlıq işləri aparılır.

Qeyd edək ki, İranda “CovIranBarakat” koronavirus əleyhinə vaksinin sınaq mərhələsinə ötən il dekabrın 29-da start verilib. Son sınaq mərhələsi isə aprelin 25-də keçirilib.