Əfqanıstanda hakimiyyəti ələ keçirən "Taliban" hərəkatının sözçüsü Zabihullah Mücahid Çinin Kabildəki səfiri Vanq Yunun da iştirak etdiyi paytaxt Kabildə keçirilən mərasimdə çıxış edib.

"Unikal" xəbər verir ki, Mücahid Çinin "Taliban" hökumətini rəsmən tanımasını istədiklərini bildirib.

Çin də daxil olmaqla bütün ölkələrlə qarşılıqlı hörmət əsasında yaxşı əlaqələr qurmaq istədiklərini ifadə edən Mücahid Çinin Əfqanıstan üçün regionun ən önəmli ölkələrindən biri olduğunu bildirib.

Mücahid bəyan edib ki, "Taliban" rəsmi hökumət kimi tanınma şərtlərini yerinə yetirib və indi digər ölkələr onları rəsmən tanımalıdır.