Fövqəladə Hallar Nazirliyi (FHN) "Optimal Elektronika" Məhdud Məsuliyyətli Cəmiyyətinə (MMC) cərimə protokolu yazıb.

"Unikal"ın məlumatına görə, protokol baxılması üçün Nəsimi Rayon Məhkəməsinə göndərilib.

İşə hakim Babək Pənahovun sədrliyi ilə baxılacaq.

MMC-yə protokol İnzibati Xətalar Məcələsinin 518.1-ci ilə (Mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə) maddəsi ilə tərtib edilib.

Bu xətaya görə, hüquqi şəxslər üç yüz əlli manatdan beş yüz manatadək məbləğdə cərimə edilir.

Seymur Əli