İngilis yazıçısı və filoloqu Con Tolkien (1892-1973) Forbes jurnalına görə son bir ildə ən çox maaş alan ölü məşhurlar siyahısında birinci yeri tutub.
"Unikal" xəbər verir ki, siyahı bazar ertəsi nəşrin saytında dərc olunub.
Forbes tərtibatına 1 noyabr 2021-ci ildən bu ilin 30 oktyabrına qədər mirası ən çox gəlir gətirən 13 ölü məşhur daxildir. Söhbət “satışdan əldə edilən mənfəət, axın platformalarında dinləmə, lisenziya sövdələşmələrinin bağlanması”ndan gedir. Siyahıya daxil olan bütün məşhurlar ümumilikdə 1,6 milyard dollardan çox “qazanıblar” ki, bu da ötən ilin göstəricilərindən 72% çoxdur. Bu, Forbes belə reytinqləri tərtib etməyə başladığı 2001-ci ildən bəri ən əhəmiyyətli illik artımdır.
“Hobbit, ya da orada və yenidən” kitabının və üçcildlik “Üzüklərin hökmdarı” epopeyasının müəllifinin sərvəti son bir ildə 500 milyon dollar artıb.
Forbes siyahısında ikinci yerdə Coca-Cola-nın BodyArmor-dakı payının satışından bir il ərzində 400 milyon dollar “qazanmış” amerikalı basketbolçu Kobe Brayant (1978-2020) qərarlaşıb. Üçüncü yeri bir il ərzində sərvəti 250 milyon dollar artıran britaniyalı musiqiçi və aktyor Devid Boui (1947-2016) tutub.
Forbes siyahısına bir ildə 110 milyon dollar qazanan amerikalı musiqiçilər Elvis Presli (1935-1977), 100 milyon dollarla Ceyms Braun (1933-2006), 75 milyon dollarla Maykl Cekson (1958-2009) da daxildir. Kanadalı şair, yazıçı və müğənni Leonard Koen (1934-2016) bir ildə 55 milyon dollar, amerikalı uşaq yazıçısı Teodor Seussun (1904-1991) mirası ona bir ildə 32 milyon dollar qazandırıb.
Amerikalı “Toto” rok qrupunun nağaraçısı Ceff Porkaro (1954-1992) 25 milyon dollar varlanmış, amerikalı karikaturaçı Çarlz Şulzun (1922-2000) sərvəti bir ildə 24 milyon dollar artmış, meksikalı müğənni Xuan Qabriel (1950) -2016) - 23 milyon dollar Keçmiş Beatles üzvləri Con Lennon (1940-1980) və Corc Harrison (1943-2001) müvafiq olaraq 16 milyon və 12 milyon dollar qazanıblar.
Gültəkin Ələsgər