FİFA 2022-ci il dünya çempionatının oyunları zamanı LGBT icmasının dəstəklənməsinə qoyulan qadağanı aradan qaldırıb.
"Unikal" xəbər verir ki, dünya üzrə çox sayda futbol federasiyaları qrup mərhələsinin növbəti turundan etibarən göy qurşağı bayrağının stadionlarda qadağan edilməyəcəyi və Qətərin lazımi zəmanətləri verdiyi xəbərini alıb.
Bildirilib ki, Təhlükəsizlik Komitəsi artıq göy qurşağı rəngli əşyaları müsadirə etməyəcək.
Eyni zamanda, bəzi federasiyalar əvvəlki hadisələri nəzərə alaraq FİFA-nın Qətər hakimiyyətinin təminatlarına arxalana biləcəyinə şübhə edir.