Ukrayna 2023-cü ildə enerjiyə dəstək üçün Qərbdən 144 milyondan çox vəsait alıb.

"Unikal" xəbər verir ki, bu barədə Ukrayna hökumətinin saytında yerləşdirilən məlumatda deyilir.

Nazirlər Kabineti bildirir ki, 2023-cü il fevralın 1-nə qədər Ukraynanın Enerjiyə Dəstək Fonduna 144,36 milyon avro daxil olub. Pul beş Avropa ölkəsi tərəfindən göndərilib: Almaniya , Böyük Britaniya , İspaniya , Avstriya , Danimarka . Avropa Komissiyası , Alman dövlət bankı KfW, Enerji Tənzimləyicilərinin Regional Assosiasiyası və Enerji və İnfrastrukturda Regional Əməkdaşlıq Fondu da öz töhfəsini verib.

"Bu vəsaitin 108 milyon avrosu Ukrayna enerji şirkətlərinin kritik ehtiyaclarını ödəmək üçün enerji avadanlığı, yanacaq və xidmətlərin alınmasına yönəldilib", - hökumətin bəyanatında deyilir.

Günün əvvəlində Ukrayna İnfrastruktur Nazirliyi sosial şəbəkələrdə Yaponiyanın Ukraynaya kritik infrastrukturun bərpası üçün 170 milyon dollar ayırdığını bildirib .

Bundan əvvəl məlum olub ki, İsveç Ukraynanın nüvə təhlükəsizliyini təmin etmək üçün 2 milyon dollardan çox vəsait ayırıb .