Horadiz-Cəbrayıl-Zəngilan-Ağbənd (Zəngəzur dəhlizi) magistral avtomobil yolunun inşası davam etdirilir.
"Unikal" xəbər verir ki, bunu Zəngilan rayonunun Ağalı kəndinə mediatur zamanı Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov deyib.
O bildirib ki, yolun torpaqlanma işi başa çatmaq üzrədir: "Hazırda bu istiqamətdə işlər sürətlə davam etdirilir. Yol bu ilin iyul ayında tam hazır olacaq".
S.Məmmədov deyib ki, yolun xərclər smetası hissə-hissə hazırlanmaqla hökumətə təqdim edilib: "Aidiyyəti qurumlar həmin xərcləri dəqiqləşdirəndən sonra maliyyə ayrılıb və həmin hissələr tikilib. Yol tam hazır olandan sonra layihənin ümumi dəyəri ictimaiyyətə açıqlanacaq".
