Gəncədə həyat yoldaşı tərəfindən qətlə yetirilən 43 yaşlı qadınla bağlı maraqlı faktlar üzə çıxıb.

"Unikal"ın məlumatına görə, həyat yoldaşı Elşən Quliyev tərəfindən qətlə yetirilən Yeganə Hümbətova Azərbaycan Ordusunda MAXE işləyirmiş. Məlumata görə qadının birinci həyat yoldaşı rəhmətə gedib. O, ötən il Elşən Quliyevlə evlənib. Yeganə Hümbətovanın birinci evliliyindən bir qızı, bir oğlu var.

xxx

12:45

Gəncə şəhərində qadının qətlə yetirilməsi ilə bağlı cinayət işi başlanıb.

Baş Prokurorluqdan "Unikal"ın sorğusuna cavab olaraq bildirilib ki, şəhər ərazisində üzərində xəsarətlər olan qadın meyitnin aşkar olunması barədə bağlı məlumat daxil olub.

İlkin araşdırma zamanı zərərçəkmiş şəxsin 1980-ci il təvəllüdlü Yeganə Hümbətova olması müəyyən edilib.

Faktla bağlı Gəncə şəhər prokurorluğunda Cinayət Məcəlləsinin 120.1-ci maddəsi ilə cinayət işi başlanıb.

***

Gəncədə qətl hadisəsi baş verib.

"Unikal" xəbər verir ki, hadisə şəhərin köhnə avtovağzal adlanan ərazisində qeydə alınıb. Belə ki, 1985-ci il təvəllüdlü Elşən Quliyev həyat yoldaşı 1989-ci il təvəllüdlü Yeganə Hümbətovanı bıçaqla qətlə yetirib. Hadisə yerinə polis əməkdaşları cəlb olunub.

Tural Əhmədov