“British Airways” kompüter nasazlığına görə son iki gündə təxminən 150 reysi ləğv edib.

"Unikal" xəbər verir ki, bu barədə “Financial Times” qəzeti məlumat yayıb.

Bildirilib ki, cümə axşamı şirkət 80 reysi, cümə günü isə yalnız günün birinci yarısında daha 66 reysi ləğv etmək məcburiyyətində qalıb.

Orta hesabla “British Airways” təyyarələri gündə təxminən 850 daxili və beynəlxalq uçuş həyata keçirir. Eyni zamanda, qarşıdan gələn yaz tətili və həftə sonları ilə əlaqədar Britaniya hava limanlarında sərnişin axını kəskin şəkildə artıb.