İyulun 20-də Keyfiyyət təminatı şöbəsinin təşəbbüsü ilə Azərbaycan Dövlət Bədən Tərbiyəsi və İdman Akademiyasında (ASAPES) keyfiyyət nəzarət sisteminin səmərəli təşkili məqsədilə 2022/2023-cü tədris ilinin nəticələrinə dair müxtəlif məzmunlu rəy sorğularının nəticələrinin təhlili geniş tərkibdə müzakirə edilib.

"Unikal" xəbər verir  ki, görüşdə Keyfiyyət təminatı şöbəsinin müdiri Fikriyyə Məmmədova və Monitorinq və qiymətləndirmə bölməsinin müdiri Zərifə Bayramova çıxış edərək akademik heyət və tələbələr arasında keçirilən müxtəlif məzmunlu rəy sorğularından əldə olunmuş nəticələr barədə ətraflı məlumat veriblər.

Akademiyada müzakirələr zamanı effektiv planlaşdırmanın təşkili məqsədilə görüş iştirakçıları tərəfindən sorğuların keyfiyyətinin təkmilləşdirilməsi istiqamətində təkliflər irəli sürülüb, həmçinin növbəti tədris ili üçün iştirakçıların təkliflərinin nəzərə alınması ilə bağlı razılıq əldə edilib.