Səhər saatlarından etibarən İsrailin müxtəlif bölgələrinə raket hücumu həyata keçirən HƏMAS terrorçu qruplaşmasının maliyyə dəstəyi haradan gəlir?
"Unikal" yəhudi xalqına ağır günlər yaşadan terror qruplaşması haqqında məlumatı sizinlə bölüşür.
Qəzza zolağı 2007-ci ildən bir çox ölkədə terrorçu sayılan HƏMAS qruplaşmasının nəzarətindədir. Davamlı olaraq İsrailə hücum edir və bəzi ölkələrdən, eləcə də qeyri-hökumət təşkilatlarından maliyyə və maddi yardımlar alır. Bununla yanaşı, bəzi Aİ ölkələri HƏMAS-ı “Radikal İslamçı” hərəkat adlandırırlar.
Tarixi...
Qəzza zolağı 1967-ci ilin iyununda İsrailin nəzarətində olmağa başlayıb. Eyni zamanda, dövlət ərazini ilhaq etmədən yəhudi məskənlərinin tikintisinə başlayıb. Bu, BMT, Aİ və bir çox digər beynəlxalq təşkilatlar tərəfindən dəfələrlə pislənib.
HƏMAS 1987-ci ildə Qəzza zolağında yaranıb. Onun ilkin lideri və ideoloji ilhamçısı Əhməd Yasin olub. O, uşaqlıqdan əlil olub və əlil arabasından istifadə edib.
Yasin 2004-cü ildə İsrail helikopterinin Qəzzada məscidə hücumu nəticəsində həlak olub. 1988-ci ilin avqustunda İsrailin, eləcə də dünyəvi Fələstin dövlətinin məhv edilməsinə çağıran HƏMAS partiyası yaradılıb. Bu ərazilərdə müstəqil İslam Respublikası yaratmağa qərar veriblər.
2006-cı ildə Fələstin Muxtariyyətində keçirilən seçkilərdə HƏMAS qalib gəldi və 2007-ci ildə İordan çayı ilə iki yerə bölündü.
Təşkilata kim sponsorluq edir?
HƏMAS-ın İsrailə raket hücumları olduqca terror xarakteri daşıyır. Onlar yaşayış məntəqələrində, əsasən məktəblərin və xəstəxanaların damlarında raket qurğularını yerləşdirirlər.
HƏMAS-ı dəstəkləyən təşkilatlar və ölkələr arasında Qətər birinci yerdədir.
Ölkə HƏMAS hesablarına 1,5 milyard avrodan çox vəsait köçürüb və Əmir Həməd Bin Xəlifə Əl Tani Qəzzada HƏMAS-a səfər edən ilk dövlət lideri olub. Qəzzadan İsrailə atəş açmaq üçün istifadə edilən raketlər İran tərəfindən təmin edilir. Eyni zamanda Tehran HƏMAS-ı da fəal şəkildə maliyyələşdirir.
Bu təchizatla eyni vaxtda HƏMAS özü də birbaşa Qəzzada raketlər istehsal edir. Üstəlik, bu, digər ölkələrin, qeyri-hökumət təşkilatlarının köməyi ilə həyata keçirilir.
.jpg)
