İsrail ordusu Qəzza şəhərində hərbi əməliyyata davam edərkən HƏMAS 47 israilli girovun fotoşəkillərini yayımlayıb və onlarla vidalaşmağa çağırıb.

"Unikal" xəbər verir ki, fotolar Fələstin radikal hərəkatının hərbi qanadı "Əl-Qəssam" Briqadalarının "Telegram" kanalında yayımlanıb.

Qeyd edək ki, bu gün İsrailin  BMT -dəki daimi nümayəndəsi Denni Danon bəyan edib ki, ölkənin baş naziri ABŞ prezidenti Donald Trampla gözlənilən görüşdə Qəzza zolağındakı cari tədbirlərə toxunmağı planlaşdırır. Onun sözlərinə görə, Netanyahu daha böyük təzyiq tətbiq etmək niyyətini açıqlayacaq və İsrail hakimiyyəti bunun girovların azad edilməsinə səbəb olacağına ümid edir.