Rusiya Xarici İşlər Nazirliyinin rəhbəri Sergey Lavrovla danışıqlar planlaşdırılır.
"Unikal" xəbər verir ki, Şimali Koreya nümayəndə heyətinin Rusiyada olacağı gözlənilir. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.
Onun sözlərinə görə, Rusiya Xarici İşlər Nazirliyinin rəhbəri Sergey Lavrovla danışıqlar planlaşdırılır.
Koreya Mərkəzi Xəbər Agentliyi (KCNA) öz növbəsində Şimali Koreyanın xarici işlər naziri Çoi Sonq Henin yanvarın 15-17-də Rusiyaya səfər edəcəyini bildirib.
Agentlik bildirir ki, səfər Rusiya xarici işlər naziri Sergey Lavrovun dəvəti ilə baş tutacaq.Oktyabrda Lavrov Pxenyana səfər edib. Səfər Rusiya ilə KXDR arasında diplomatik münasibətlərin qurulmasının 75-ci ildönümünü qeyd etmək üçün həyata keçirilib. Lavrovu Şimali Koreya lideri Kim Çen In qəbul edib.
2023-cü il noyabrın 15-də Pxenyanda KXDR və Rusiya Federasiyasının ticarət-iqtisadi və elmi-texniki əməkdaşlıq üzrə hökumətlərarası komissiyasının 10-cu iclası keçirilib.