Azərbaycan Texniki Universitetinin (AzTU) professoru Müdafiə Mahmudov 78 yaşında vəfat edib. 

"Unikal" xəbər verir ki, Müdafiə Mahmudov 1989-cu ildən AzTU-da müxtəlif vəzifələrdə çalışıb. O, 40-dan çox dərslik və metodiki vəsaitin, 10 monoqrafiyanın, 220-dən çox elmi və elmi-pedaqoji əsərin müəllifi idi. 

Prezident İlham Əliyevin Sərəncamına əsasən, Müdafiə Mahmudov 2020-ci ildə 3-cü dərəcəli “Əmək” ordeni ilə təltif olunub.