Xocalı qatillərindən olan Vitali Balasanyan İrəvanda Korrupsiyaya Qarşı Mübarizə Komitəsinə dəvət olunub.

"Unikal" xəbər verir ki, bu barədə Erməni KİV məlumat yayıb. 

Məlumata görə, Balasanyan və ətrafındakılardan Həkəri körpüsünü necə keçdikləri soruşulub. O, bir neçə dəfə dindirildikdən sonra Ermənistanın baş naziri Nikol Paşinyanla əlaqə saxlayıb və bildirib ki, o, hakimiyyət dəyişikliyi prosesində iştirak etmək niyyətində deyil və siyasi proseslərə qarışmaq istəmir: "Balasanyan Paşinyana deyib ki, o, Qarabağ erməniləri qayıdana qədər Ermənistanda gözləyəcək. Buna görə də o, Paşinyandan onu rahat buraxmağı xahiş edib. Bu vasitəçi söhbətdən sonra Balasanyan və onun yaxın dostları artıq prosesi həyata keçirən orqana dəvət olunmayıb".

Balasanyanın Ermənistana qaçdıqdan sonra heç bir ictimai çıxış etməməsinin səbəbi budur.

Balasanyanın Laçın dəhlizindən necə keçdiyinin bəzi təfərrüatları da məlum olub. O, sentyabrın 28-də Xankəndini tərk edərək Laçın dəhlizinə gedib. Həmin anda ona bildirilib ki, Azərbaycan tərəfi onun hərəkətindən artıq xəbər tutub. Bu səbəbdən Balasanyan maşından düşərək alternativ yollarla Ermənistana qaçmağa məcbur olub. Nəticədə o, Ermənistana yalnız oktyabrın ilk ongünlüyündə çatıb.

Ağarza Elçinoğlu