“Real” Çempionlar Liqasını qazanmasını Madriddə azarkeşlərlə birlikdə qeyd edib. 

"Unikal" xəbər verir ki, tədbirdə çıxış edən komandanın baş məşqçisi Karlo Ançelotti  türkiyəli futbolçu Arda Güleri ayrıca təqdim edib. O, “Sizi çox xüsusi biri ilə tanış edəcəm, Arda gəl...” deyərək mikrafonu gənc yarımmüdafiəçiyə verib.

Bu zaman azarkeşlər Arda Güleri alqışlayıblar. Türkiyə millisinin üzvü isə azarkeşləri ispan dilində salamlayaraq “Biz bir ailəyik. Hər şey üçün təşəkkür edirik” deyib.