Qəzzada əkiz körpələri üçün doğum şəhadətnaməsi almağa gedən fələstinli ata İsrailin hücumu nəticəsində bütün ailəsini itirib.

"Unikal" xəbər verir ki, 3 gün əvvəl dünyaya gələn əkiz körpələrinin doğum şəhadətnaməsini almaq üçün Qəzza zolağının mərkəzi hissəsindəki Deyr əl-Belahdakı evindən çıxan fələstinli Məhəmməd Əbu əl-Kumsan adlı kişi İsrailin hücumu nəticəsində yoldaşını və yeni doğulan körpələrini itirib.

Əlində övladlarının doğum haqqında şəhadətnaməsini tutan ata  "Əkizlərin doğum şəhadətnaməsini bir az əvvəl aldım, cəmi 3 gün əvvəl doğulublar, and içirəm ki, mən onlar qədər şanslı deyiləm", - deyərək ağlayıb.

Kədərli ata "Onlar mənim ilk və son sevincimdir, xoşbəxtliyim yarımçıq qaldı. Allah mənə bəsdir, o nə gözəl vəkildir", - deyə bildirib.

Zərifə Nağıyeva