Formula 1 yarışlarını izləmək üçün Azərbaycanı ziyarət edən britaniyalı supermodel Naomi Kempbell səfəri haqqında özünün “Instagram” sosial şəbəkə hesabında paylaşım edib.

"Unikal" xəbər verir ki, o, paylaşımında Azərbaycan Respublikasının Prezidenti İlham Əliyevə, Prezidentin köməkçisi Anar Ələkbərova, gənclər və idman naziri Fərid Qayıbova, Formula 1-in prezidenti və baş icraçı direktoru Stefano Domenikaliyə və Formula 1-in müşaviri Flavio Briatoreyə təşəkkür edib.

Naomi Kempbell paylaşımında Bakı səfərinin əla keçdiyini və Heydər Əliyev Mərkəzini ziyarət etdiyini bildirib. Model, mərkəzi ziyarət etməyin ilhamverici olduğunu vurğulayıb və məşhur memar, yaxın dostu Zaha Hadid tərəfindən dizayn olunduğunu də əlavə edib. Model səfəri barədə 20-yə yaxın foto paylaşıb.