01 oktyabr 2024-cü il tarixdə Ağdam Rayon Heydər Əliyev Mərkəzində Prokurorluq işçilərinin peşə bayramı günü münasibətilə tədbir keçirilib.

"Unikal" xəbər verir ki, tədbirdə Ağdam  Rayon İcra Hakimiyyətinin başçısı Vaqif Həsənov, aparatın əməkdaşları, Ağdam Rayon Prokuroru Vasif Süleymanov, Ağdam Rayon Hərbi Prokuroru Elnur Kərimov, hüquq mühafizə orqanlarının, idarə, müəssisə və təşkilatların  rəhbərləri, rayon prokurorluğunun əməkdaşları iştirak ediblər. Tədbir iştirakçıları əvvəlcə Ulu öndər Heydər Əliyevin mərkəzi meydanda ucaldılmış abidəsini ziyarət etmiş, önünə tər gül dəstələri düzmüşlər. Heydər Əliyev Mərkəzində davam edən tədbirdə ilk öncə Dövlət Himni səsləndirilmiş, Ümummilli liderin,  torpaqlarımızın ərazi bütövlüyü uğrunda canlarını fəda etmiş Vətən övladlarının və dünyasını dəyişmiş prokurorluq işçilərinin əziz xatirəsi bir dəqiqəlik sükutla yad edilmişdir. Çıxış edən RİH başçısı Vaqif Həsənov və digər natiqlər  Ulu öndər Heydər Əliyevin hakimiyyətə qayıdışından sonra prokurorluq orqanlarının  fəaliyyətində yeni bir dövrün başlanmasından, ümummilli lider Heydər Əliyevin hər il oktyabr ayının 1-nin Azərbaycan Respublikası prokurorluq işçilərinin peşə bayramı günü kimi qeyd edilməsinə dair imzaladığı 17 iyul 1998-ci il tarixli Sərəncamından, cənab prezident İlham Əliyevin göstərişləri əsasında prokurorluq orqanlarında son dövrlərdə aparılan kadr islahatları nəticəsində savadlı kadrların vəzifədə irəli çəkilməsindən, yüksək keyfiyyətli təhsil almış gənclərin prokurorluq orqanlarına qəbul olunmasından bəhs etmişlər. Tədbirdə Ağdam Rayon Prokuroru Vasif Süleymanov Azərbaycan Respublikasının Baş prokuroru Kamran Əliyevin prokurorluq işçilərinə ünvanlanmış təbrik məktubunu oxumuşdur. Tədbirin sonunda bir qrup prokurorluq orqanının əməkdaşları Rayon İcra Hakimiyyətinin başçısı tərəfindən mükafatlandırılmış, həmçinin  tədbirdə Azərbaycan Respublikasının Baş prokuroru Kamran Əliyevə rayon ictimaiyyəti adından təbrik məktubu ünvanlanmışdır.