Xəbər verdiyimiz kimi, ABŞ Prezidenti Donald Tramp NATO-nun 36-cı Dövlət və Hökumət Başçılarının Zirvə Görüşü çərçivəsində Ankaraya diplomatik heyətlə gəlib.
"Unikal"ın məlumatına görə, Tramp əksəriyyəti özəl təhlükəsizlik işçiləri olan min nəfərlik bir heyətlə səfərdədir.
Trampın Ankarada qalacağı hotel Çankaya rayonunda, görüşün keçiriləcəyi Beştəpəyə çox yaxın yerdə yerləşir.
Hoteldə intensiv təhlükəsizlik tədbirləri görülüb.
Trampın otağının pəncərələrinin gülləkeçirməz, divarların isə bombaya davamlı olduğu bildirilib.
Onun qalacağı hotelə işçilərdən başqa heç kimin yaxınlaşmasına icazə verilmir.
ABŞ liderinin ictimaiyyət arasında "vəhşi" kimi tanınan avtomobili zirvə görüşündən bir gün əvvəl Ankaraya gətirilib.
Ağır zirehli gövdəsi, güllə keçirməyən şüşələri, partlayışdan sonra belə hərəkətə davam edə bilən təkərləri və xarici təhlükələrə qarşı izolyasiya edilə bilən kabinəsi ilə bu nəqliyyat vasitəsi dünyanın ən çox qorunan prezident nəqliyyat vasitələri arasında hesab olunur. Bildirilir ki, nəqliyyat vasitəsi prezidentin təhlükəsizliyini təmin etmək üçün hazırlanmış qabaqcıl rabitə sistemləri, təcili tibbi yardım avadanlıqları və xüsusi müdafiə avadanlıqları ilə təchiz olunub.
Karvan adətən bir-birinə bənzəyən və həm ehtiyat, həm də təhlükəsizlik məqsədləri üçün xidmət edən bir neçə zirehli texnikadan ibarətdir.
Dəqiq rəsmi qiymət açıqlanmayıb, lakin açıq mənbələr tək bir "The Beast" avtomobilinin təxminən 1,5 milyon dollara başa gəldiyini göstərir.
Ağarza Elçinoğlu
.jfif)
