“Barselona” və Argentina millisinin sabiq futbolçusu Xavyer Maskerano keçmiş komanda yoldaşı Lionel Messi haqda danışıb.

"Unikal" xəbər verir ki, “Shoot For Love” kanalına açıqlamasında o, deyib: “Messi müdafiəçi olsaydı, bəlkə də, həmin mövqedə dünyanın ən yaxşı futbolçularından biri olardı. Onu keçmək mümkün deyil. “Barselona”da bəzən təkbətək oynayırdıq və Leonu keçmək mümkün deyil idi. Heç bir şans qalmırdı. Bəzən hücumçular müdafiə olunmağı bacarırlar. Messi müdafiədə çox yaxşı idi. Sürətli idi, onu aldatmaq isə mümkün görünmürdü”.