Xaçmazda qəza zamanı ölən piyadanın şəxsiyyəti müəyyənləşib.

"Unikal"ın Şimal bürosunun məlumatına görə, “Kamaz” markalı yük avtomobilinin vurduğu piyada Quba rayon Vəlvələ kənd sakini 1949-cu il təvəllüdlü Zamanlı  Cəbrayıl Mikayıl oğlu olduğu müəyyənləşib.

 Hadisə yerindəcə ölən C.Zamanlının meyiti Məhkəmə-Tibbi Ekspertiza və Patoloji Anatomiya Birliyinin Xaçmaz şöbəsinə təhvil verilib. 

Faktla bağlı araşdırma aparılır. 

***13:08

Xaçmaz şəhərində piyadanın ölümü ilə nəticələnən yol-nəqliyyat hadisəsi baş verib. 

"Unikal"ın Şimal bürosunun məlumatına görə, hadisə Xaçmaz şəhərinin Bakı prospektində, mərkəzi dairədə qeydə alınıb. Belə ki, yolu keçmək istəyən piyadanı yük avtomobili vurub. Nəticədə ağır xəsarətlər alan piyada hadisə yerində ölüb.

 Hazırda ölən şəxsin kimliyi dəqiqləşdirilir.

Əraziyə hüquq-mühafizə orqanlarının əməkdaşları gəlib. 

 Faktla bağlı araşdırma aparılır. 

Xanlar Qaraca