Rusiya Kiyevə yenidən İranın "Şahed" PUA-ları ilə hücum edib. 

"Unikal" xəbər verir ki, bu barədə Ukrayna KİV məlumat yayıb. 

Kiyev Şəhər Hərbi Administrasiyasının məlumatına görə, Rusiyanın pilotsuz təyyarəsinin Kiyevə hücumu nəticəsində paytaxtın beş rayonunda dağıntılar qeydə alınıb, hündürmərtəbəli binada və xəstəxanada yanğınlar baş verib, itkilər olub.

Belə ki, Qoloseyevski rayonunda yaşayış binasındakı mənzilə ziyan dəyib, bir nəfər həkimə müraciət edib. Ümumi sahəsi 200 kvadratmetr olan qarajlarda və yaxınlıqdakı texniki xidmət stansiyasında da yanğın baş verib. 

Peçersk vilayətində dağıntıların düşməsi nəticəsində yaşayış binasının 33-cü mərtəbəsindəki restoranda 50 kvadratmetr sahədə yanğın baş verib, 34-cü texniki mərtəbənin tikinti konstruksiyaları qismən dağılıb. 

Solomenski rayonunda müəssisənin ərazisində 600 kvadratmetr sahədə anbar binasında yanğın baş verib. Kiyev meri Vitali Kliçkonun sözlərinə görə, bir qurban xəstəxanaya yerləşdirilib. Bundan başqa, tibb məntəqəsinin ərazisinə dağıntılar düşüb. Zərərçəkənlərlə bağlı məlumatlar dəqiqləşdirilir.

Bundan əlavə, Obolonski rayonunda 6 mərtəbəli biznes mərkəzi binasının damında 10 kvadratmetr sahədə yanğın olub. 

Paytaxtın Podolsk rayonunda da dağıntıların düşməsi qeydə alınıb, yaşayış binasında yanğın baş verib.

Ağarza Elçinoğlu